" انتي عايشه بعالمج وعلى بالج كل شي بكيفج "
كنت اسمعها وايد ومن ناس مختلفين وازعل , شفيهم مايفهمون !!
انا محتكه بنماين وايد واوادم من كل مكان ومن كل بيئة واعرف الناس
وآخذ انطباعات اوليه تكون نسبه صحتها كبيرة
هذا كله وانا ماكنت بحياتي احس اني مجبوره او مضطره اتعامل معاهم
بس من باب العلم بالشيء
لكن صار الوقت الي انزل في الميدان الحقيقي للحياة والاحتكاك المباشر مع
خليط من الشخصيات والبيئات المختلفه كلها بوقت واحد
وصـــار الاختبار على ارض الواقع
مو فرضيات كنت افترضها
وصرت اشوف بعيني
ناس غريبــــه
والله مو دلـــــــع
ولا تكبر على الاوادم بس صج شي غير
مانتشابه ب ولا شي
بداية من البيئه وتنتهي بالعقليه
مرورا بأشياء وايد
كنت بتعب لو انا من النوع الي اتبع سياسة الاختلاف لمجرد الاختلاف
بس انا انسانه عمليه واتدبر بكل الي يسيرلي
عرفت ان الله يميز ناس عن ناس
وخلق وفرق بس ما فرّق
وان اذا انا فعلا انسانه اتمتع بعقليه مميزة لازم ابرزها مو ابروزها
احنا متفقين على ان لانتفق
وحرام اظلمهم معاي اهما جذي ناس هاذا حدهم
لو بقعد معاهم دب الدهر ماراح نتلاقا
فقررت
أتبع سياسة
((خـــاطب الناس على قــدر عقولهم ))
طبعا ماصدقوا وقاموا يفرغون العقد الي فيهم ويحاولون استفزازي
والمـزاح بطعن الرمـاح , بس والله انهم احلى فاصل كوميدي بيومي
وكل ماتحجوا كل مازدت قناعه ان اسلوبي صح
لانهم مهما قالوا احس بعينوهم نظرة احد هايب ردة فعل الي جدامه
وتقط الحجوة وتتلفت وعيونها ادور العون من رفيجاتها
(( أما ترى الأسود تُخشى وهي صامتة..والكـلب يَخشى وهـونـباح))
كل ماشوفهم أشكر الله على نعمة أمي
وفضله علي بأبوي
لو ما اهما جان ماعرفت قيم وايد بالدنيا طلعنا من بيتنا
واحنا عارفين شاللي لنا واللي علينا
وفرضنا احتراما وهيبتنا مو بالعفرته ولا الصراخ بالعكس
بالهدوء والأدب
وهالشي صعب الكل يستوعبه فشلون لو بيطبقه
الحين عرفت ليش كانوا يقولون انتي عايشه بعالمج صج كانوا شايفين شي
انا ماشوفه او اعرفه الناس اجناس صج
******
لابـلاك الله بعاقـه من مـقـاريـد الرفـاقة .. لاتــوريه الحـماقه ليـن الله يقلـعه
:)
هناك تعليقان (2):
والله صاجه .. في فئة من الناس لو تقعدين تحجين معاهم مني لي باجر أبد ماراح يفهمون عليج ولا راح توصلين معاهم لحل!!
صج الله خلق وفرق وما فرّق،، والحمدلله على نعمه الكثيرة وأهمها نعمة العقل والمعرفة..
دمتي بخير
هالناس نضطر نتعامل معاهم ومن له حيله فاليحتال :))
إرسال تعليق