بين فتـرة وفتــرة يحتاج الانسان يسوي
جرد على علاقاته
شاللي له والي عليه
ويشوف الربـــح والخــساره
وبعضهم مثل الملابس الغاليه والي قيمتها فيها
ماتتغير وماتتحسف انك شريتها بأغلى الأثمان
وصالحة لدب الدهــر لا وتتورث ساعات
وناس مثل الخلاجين تهتري ويبين عليها
انها رثه مع كثر الاستعمال أو " التعامل" .
وناس كانوا مقاسنا قبل والحين مومريحيين
ناس صيفيييه خفــيفه
وناس شتويــه لو ماتستخدمها الا شهرين
بالسنه بس دافـيه
وندري انهم ذخــر
ناس MADE IN UK
وناس MADE IN CHINA
من طبعي ماحب أقـــط شي من ملابسي
وعندي أشياء من زمان مالبسهم بس أحب أدري أنهم موجودين
عــاد الحين قررت ونويت بعد التوكل على الله واستشارة نفسي
اني اسوي تصفيــه
على ربــع CHINA
والبضــاعه المباعـه لاتـرد ولا تستبدل ولانبي نشوفها مرا ثانيه
وماعليهم حسافــه والخلاجين تناسب أهلها
:)
هناك تعليقان (2):
ياحلوج وياحلو بقشتج :)
والله استانست على الاســم
وزين تسوين .. انتم السابقون ونحن اللاحقون :p
ياهلا فيح وانا استانست بوجودج اكثر
ايي لازم بين فترة وفترة تسوينها بس يتمون الناس الغاليين غاليين لو شمايصير بينكم :)
إرسال تعليق